நாய் வளர்ப்பதால் இருதய நோயாளிகளுக்கு மாரடைப்பு குறையும்

வளர்ப்பு பிராணிகளால் நமக்கு பல நன்மைகள் கிடைக்கிறது. இதில் கூடுதல் பலன் நாய் வளர்ப்பவர்களுக்கு கிடைப்பதாக அமெரிக்க மருத்துவ ஆராய்ச்சியாளர்கள் கண்டுபிடித்துள்ளனர்.

வளர்ப்பு நாயால் இருதய நோயாளிகளின் ஆயுள் அதிகரிப்பதாக 'அமெரிக்கன் ஹார்ட் அசோசியேசன்' அமைப்பு நடத்திய ஆய்வில் தெரிய வந்துள்ளது.

இருதய நோயாளிகள் தினமும் வாக்கிங் செல்ல வேண்டும் என்று டாக்டர்கள் அறிவுரை கூறுகிறார்கள். நாய் வளர்ப்பவர்கள் அதனை வாக்கிங் அழைத்துச் செல்வதன் மூலம் இவர்களுக்கு அந்த உடற்பயிற்சி கிடைக்கிறது.

மேலும் வளர்ப்பு நாயுடன் பழகுவதன் மூலம் மன அழுத்தம் குறைவதால் இருதய நோயாளிகளுக்கு திடீர் மாரடைப்பு வருவது குறைகிறது. இதன் மூலம் அவர்களின் ஆயுள் அதிகரிக்கிறது என்று டாக்டர் லெனவன் தெரிவித்தார்.